ესპანური გამოცემების ცნობით, მადრიდის „რეალში“ იანვარში ბევრი რამე უნდა შეიცვალოს.

საქმე ეხება, როგორც სამწვრთნელო შტაბის ცვლილებებს, ასევე ფეხბურთელების ცვლილებებს.

არ არის გამორიცხული გუნდი დატოვოს გონსალო გარსიამ, რომლის მიმართაც ინტერესს არაერთი კლუბი იჩენს. ბოლოს ასპარეზზე გამოვიდნენ ბირმინგემის „ასტონ ვილა“ და „მილანი“. ასევე ძალიან აქტიურობს გერმანული „შტუტგარტი“.

ამასთან ერთად ვრცელდება ინფორმაცია, რომლის მიხედვითაც, ზამთრის სატრანსფერო ბაზარზე გუნდში შესაძლოა ცენტრალური მცველი მოვიდეს. კოლექტივს 99%-იანი ალბათობით გამოემშვიდობება ენდრიკ ფელიპეც.

რაც შეეხება ჩაბი ალონსოს ფაქტორს. „მარკა“, „ას“ და კიდევ ბევრი ავტორიტეტული გამოცემა იუწყება, რომ ალონსოს წასვლის შანსი კვლავ ძალიან მაღალია.