მო სალაჰისა და მადრიდის „რეალის“ კავშირის შესახებ არსებულ ჭორებს მალე წერტილი დაესმება.

არსებობს ძალიან დიდი შანსი იმისა, რომ ეგვიპტელმა მოთამაშემ „ლივერპული“ დატოვოს, თუმცა მისი მომდევნო ნავსაყუდელი „რეალი“ არ იქნება.

ფლორენტინო პერესი 33 წლის შემტევის სანაცვლოდ სოლიდური თანხის გადახდას არ აპირებს და მიიჩნევს, რომ ეს არ იქნება გამართლებული ნაბიჯი.

იმ შემთხვევაშიც კი, თუ „რეალს“ იურგენ კლოპი ჩაიბარებს, სალაჰის გამადრიდელების შანსი არ შეიცვლება.

არაოფიციალური ინფორმაციით, „ენფილდიდან“ აბარგების შემთხვევაში, გამოცდილი შემტევი კარიერას საუდის არაბეთში გააგრძელებს.