ესპანური გამოცემების ცნობით, მადრიდულ ოფისებში შეხვედრა შეხვედრაზე იმართება. ჩაბი ალონსოს მადრიდული მომავალი სერიოზული კითხვისნიშნისქვეშ დგას.

არსებული ინფორმაციით, მადრიდული გრანდის ახალი მწვრთნელობის შანსი ორ სპეციალისტს აქვს.

ერთ-ერთი ზინედინ ზიდანია, ხოლო მეორე იურგენ კლოპი. რაც შეეხება ალვარო არბელოას, მისი კანდიდატურა ჯერ-ჯერობით დღის წესრიგიდან მოიხსნა.

ზიდანი ახლაც მადრიდში იმყოფება. არაოფიციალური ინფორმაციით, მას ფლორენტინო პერესთან და „რეალის“ გენერალურ დირექტორთან  შეხვედრაც ჰქონდა.

„მარკას“ ცნობით, ალონსოს მომავალი კვირის ბოლომდე გაირკვევა, თუმცა უმაღლესი ალბათობით, ესპანელი სპეციალისტი მთავარი მწვრთნელის პოსტს დატოვებს.