ესპანური გამოცემების ცნობით, ჩაბი ალონსოს მიმართ მადრიდში ნდობა აღარ არსებობს. ფლორენტინო პერესი პერსპექტივას ვეღარ ხედავს და მისი შეცვლა აქვს გადაწყვეტილი.

არაერთი ავტორიტეტული გამოცემის ცნობით, „სიტისთან“ ნორმალურად გამოსვლამ პერესის აზრები ვერ შეცვალა და ალონსო გუნდს მაინც დატოვებს, ეს მხოლოდ დროის ამბავია.

ამასთანავე ცნობილი ხდება, რომ „ბლანკოსს“ სერიოზული საუბარი აქვს ზინედინ ზიდანთან, თუმცა ფრანგი დროებითი მწვრთნელის ფუნქციის მორგებაზე ყოყმანობს.

მეორე ვარიანტი კვლავ იურგენ კლოპია. ამ დღეებში „რეალის“ გენერალური დირექტორი კლოპთან პირისპირ საუბარს გეგმავს.