ტიბო კურტუამ „სიტისთან“ მატჩი შეაფასა.

„პირველი გოლი გავიტანეთ და ზოგადად პირველ ტაიმში საკმაოდ კარგ შთაბეჭდილებას ვტოვებდით. არ მივიჩნევ, რომ 45 წუთის გასვლის შემდეგ 1:2 რელევანტური ანგარიში იყო, თუმცა მეტოქის ერთი გოლი ჩემს შეცდომას მოყვა, რაც რა თქმა უნდა, რთული გასაანალიზებელია.“

„მეორე ნახევარი გვარდიოლას გუნდმა უკეთ დაიწყო, თუმცა 65-ე წუთის შემდეგ კვლავ ჩვენ ავიღეთ ინიციატივა. სამწუხაროდ, არ გაგვიმართლა და ვერ შევძელით მეორე გოლის გატანა. ჩვენ ამას ვიმსახურებდით.“

„არ ვფიქრობ, რომ „სიტის“ პირველი გოლის შემდეგ თავდაჯერებულობა დავკარგეთ, გუნდი ძალიან მოტივირებული იყო. ფეხბურთელებმა ყველაფერი გაიღეს მოსაგებად.“

„ერთადერთი ფორმულა, რომელიც წარმატებას მოიტანს, იმ ინტენსივობით თამაშია, რომელიც დღეს ბერნაბეუზე გვქონდა. გუნდმა უნდა გააგრძელოს შრომა და დიდი ენერგიის დახარჯვა, ამას კი ავტომატურად მოყვება მოგებები.“

„ამ წაგებით სატურნირო ცხრილში სიტუაცია შედარებით გავირთულეთ, თუმცა მაინც კომფორტულ მდგომარეობაში ვიმყოფებით. წინ კიდევ მნიშვნელოვანი მატჩებია დარჩენილი, რომელიც აუცილებლად უნდა მოვიგოთ.“