მოდრიჩი:„მესის და რონალდუს ეპოქაში ოქროს ბურთი მივიღე“
ლუკა მოდრიჩმა ვრცელი და საინტერესო ინტერვიუ ჩაწერა, სადაც არაერთ ასპექტზე გაამახვილა ყურადღება.
„მესის და რონალდუს ეპოქაში ოქროს ბურთის მოგება შევძელი, ეს ჩემთვის დამატებითი ბენეფიტი იყო. ვერ აგიღწერთ, რა ვიგრძენი მაშინ, როდესაც გავიგე, რომ ჯილდო უნდა გადმომცემოდა. მახსოვს ზარი, რომელსაც არ ვუპასუხე, მახსოვს ემოციები, რომელსაც განვცდიდი. მახსოვს 5 წუთის შემდეგ განხორციელებული კიდევ ერთი ზარი, რომელსაც ვუპასუხე და ოფიციალურად შევიტყვე, რომ ოქროს ბურთის მფლობელი ვიყავი.“
„ჩემი მეუღლის გარდა ეს ინფორმაცია არავის ჰქონდა. 2 კვირის განმავლობაში ამბავს საიდუმლოდ ვინახავდი და უბედნიერესი ვიყავი.“
„მსოფლიო ჩემპიონატზე საოცარი გამოსვლა მქონდა. მართალია, ჩემპიონები ვერ გავხდით, მაგრამ ხორვატიის ნაკრებისთვის ფინალში გასვლა და ღირსეულად თამაში ძალიან დიდი მიღწევა იყო. ეს ზრდიდა ჩემს შანსებს, მაგრამ მაინც ვერ წარმოვიდგენდი, რომ მესის და რონალდუს ვაჯობებდი.“
„მადრიდის „რეალმა“ ძალიან ბევრი მომცა. წლები, რომელიც სამეფო კლუბში გავატარე დაუვიწყარია. ეს არის ჯილდოების სერია, რომლითაც ვამაყობ.“
„„მილანი“? საოცარი გუნდია, კარგი ატმოსფეროთი. ჩვენ ყველაფერს გავაკეთებთ სერია „ა“-ს მოსაგებად. შემეძლო სხვა ლიგებში წასვლა, ნაკლები ზეწოლა, მეტი თანხის გამომუშავება და ასე შემდეგ, მაგრამ ჩემთვის მთავარი საფეხბურთო ატმოსფეროა, ამით ვცხოვრობ.“
„წვრილმანები არასდროს მაკმაყოფილებდა, „რეალში“ კი გავითავისე, რას ნიშნავს იყო დიდი მასშტაბის ფეხბურთელი.“
„კროოსთან ერთად თამაში ჩემთვის დაუვიწყარი იყო. ყოველთვის ვამბობ, რომ ის კომფორტული პარტნიორი გახლდათ. გული მწყდება გერმანელის გამო, მან ადრე დაასრულა კარიერა და ასევე მივიჩნევ, რომ ოქროს ბურთს იმსახურებდა.“
- 9 დეკემბერი 2025
- 1 018
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
