იმ შემთხვევაში, თუ „რეალს“ ჩაბი ალონსო დატოვებს, ხოლო ზინედინ ზიდანთან და იურგენ კლოპთან მოლაპარაკებები წარმატებით არ დასრულდება, მადრიდის „რეალი“ შანსს ალვარო არბელოას მისცემს.

არბელოა ასაკობრივ ჯგუფებში ძალიან წარმატებული იყო, რამაც მისი კასტილიაში დაწინაურება განაპირობა.

„„რეალს“ ძალიან მოსწონს მიდგომები, რომელიც არბელოას აქვს. ესპანელი მწვრთნელის მთავარი მოწოდება შეტევა და ლამაზი ფეხბურთია, ეს კი „რეალის“ ხელმძღვანელობისთვის ნამდვილად მიმზიდველია.

„მარკას“ ინფორმაციით, არბელოა მთავარი მწვრთნელის სტატუსის მისაღებად მზად არის, დანარჩენი კი მომდევნო დღეებში განსავითარებელ მოვლენებზე იქნება დამოკიდებული.