როდრიგო გოეშის მადრიდული სიტუაცია არც ისე სასიამოვნოა. დროის გასვლასთან ერთად ფეხბურთელის ფასიც მცირდება და კონდიციაც უარესდება.

ესპანური გამოცემების ცნობით, ფლორენტინო პერესი სამხრეთ-ამერიკელი ფეხბურთელის ირგვლივ განვითარებული მოვლენებით შეშფოთებულია.

მადრიდის „რეალი“ იანვარში გოეშის გაყიდვას აპირებს და 80 მილიონ ევროზეც თანახმა იქნება.

როდრიგოს მიმართ ინტერესს კვლავ იჩენს ლონდონის „არსენალი“. არ არის გამორიცხული, საქმეში „ლივერპულიც“ ჩაერთოს, რომლის მთავარ მწვრთნელ არნე სლოტსაც მუჰამედ სალათან სერიოზული პრობლემები შეექმნა და „ენფილდზე“ ეგვიპტელის წასვლასთან დაკავშირებით საუბრები სერიოზულად გააქტიურდა.

გარდა ამისა, ვრცელდება ინფორმაცია, რომლის მიხედვითაც, „მერენგები“ გოეშის იჯარით გასხვისების შესაძლებლობასაც სერიოზულად განიხილავენ.