მადრიდის „რეალის“ ფეხბურთელებმა ლა ლიგის მომდევნო ტურისთვის მზადება დაასრულეს.

„სელტასთან“ შესახვედრად ყველაფერი მზად არის. საკმაოდ დიდხნიანი პაუზის შემდეგ სამეფო კლუბი სანტიაგო ბერნაბეუზე ბრუნდება.

აღსანიშნავია, რომ სესიაზე დატვირთვა მიიღო ედუარდო კამავინგამ, თუმცა მისი გამოყენება ლა ლიგის მატჩში არ იგეგმება.

ვარჯიშს დაესწრო რამდენიმე კანტერანოც, მათ შორის ხოან მარტინესი.

ჩაბი ალონსომ შეკრებაზე დიდი ყურადღება დაუთმო პრესინგს, სისწრაფეებს, კარში დარტყმებს, მოკლე სივრცეში ზუსტ თამაშს და სტანდარტულებს.

შეგახსენებთ, „ბლანკოსი“ „სელტას“ ხვალ, 23:55 საათზე უმასპინძლებს.