დანიელ კარვახალის დაბრუნების დრო შეიცვალა. კაპიტანი 10 დღის ნაცვლად 1 თვეში დაბრუნდება, ტრენტ ალექსანდერ არნოლდი კი მწვანე მინდორს 10-11 კვირით ჩამოშორდა.

გამოდის, რომ „ბლანკოსს“ მარჯვენა მცველი აღარ ჰყავს. ამ პოზიციაზე კვლავ ფედე ვალვერდეს ვიხილავთ, ალტერნატივად კი რაულ ასენსიო განიხილება, თუმცა ჩაბი ალონსო დამატებით ალტერნატივებზეც მუშაობს.

არსებული ინფორმაციით, ბასკი სპეციალისტი აპირებს, რომ კანტერანო ხესუს ფორტეას შანსი მისცეს. ეს გვარი მადრიდელი ქომაგებისთვის ცნობილია, ვინაიდან ხესუსს მთავარ გუნდში თამაშის პრეტენზია აქვს.

მომდევნო კვირებში ფორტეა მთავარი გუნდის ფეხბურთელებთან ერთად ინტენსიურ დატვირთვებს მიიღებს.