ფედერიკო ვალვერდემ „სან მამესზე“ გამარჯვების შემდეგ ჟურნალისტებთან ისაუბრა.

„ეს იყო თამაში, რომლითაც თითოეულმა მადრიდისტამ სიამოვნება მიიღო. 3 ქულის მოპოვების მნიშვნელობა უდიდესი გახლდათ და ჩვენ გავიმარჯვეთ.“

„სწორედ ასე თამაში უნდა განვაგრძოთ, ეს არის „რეალის“ ფეხბურთი, სადაც სწრაფი, აგრესიული შეტევებით და გონივრულობით გამოვირჩეოდით.“

„სანამ მოედანზე გავიდოდით, ალონსომ გვითხრა, რომ ამ საღამოს ყველაფერი უნდა შეგვეცვალა. გუნდს დიდი ფსიქოლოგიური მუხტი ჰქონდა.“

„მიხარია, რომ გუნდის ნაწილი ვარ, ჩვენ გამარჯვება გავიზიარეთ.“

„დაცვაში გარკვეული ხარვეზები იყო, თუმცა საბოლოო ჯამში, მაინც ძალიან მაღალი დონე ვაჩვენეთ, შეტევაში კი ყველაფერი წესრიგში გვქონდა. აუცილებლად აღსანიშნავია ფლანგის მცველების მაქსიმალური ჩართულობა.“

„მბაპეს კალიბრის მოთამაშის გუნდში ყოლა ძალიან მნიშვნელოვანია, ის მოედანს უგოლოდ არ ტოვებს და შეტევით პოტენციალს მნიშვნელოვნად ზრდის. ფრანგის მარგი ქმედების კოეფიციენტი კვირიდან კვირამდე იზრდება.“

„ბერნაბეუზე ვბრუნდებით, ეს ჩვენთვის დამატებითი ემოცია იქნება. უკვე 6 თამაში ჩავატარეთ ისე, რომ ქომაგები არ გვინახავს.“