კილიან მბაპე მოედანს გოლის გარეშე არ ტოვებს. გარდა იმისა, რომ ფრანგი ფეხბურთელი ლა ლიგის ბომბარდირობის მთავარი კანდიდატია, ის ისტორიის ახალი ფურცლის გადაშლასთანაც ახლოს არის.

მბაპემ საკლუბო დონეზე 2025 კალენდარულ წელს უკვე 56 გოლს მოუყარა თავი და მცირედით ჩამორჩება კრიშტიანო რონალდუს.

პორტუგალიელმა ფეხბურთელმა 2012 წელს 58 გოლი გაიტანა, 2013-ში კი 59.

იმ შემთხვევაში, თუ მბაპე 2025 წელს დარჩენილ 4 დაპირისპირებაში 4-ჯერ შეძლებს მეტოქის კარის აღებას, ყველა რეკორდს დაამყარებს.

ასევე აღსანიშნავია, რომ კილიანს სანაკრებო გოლების ჩათვლით 2025 წელს უკვე 65 გოლზე მეტი აქვს გატანილი.