ალონსო:„ჩემი თანამდებობა ურყევია“
ჩაბი ალონსომ „ბილბაოსთან“ შეხვედრის წინ პრესკონფერენცია გამართა.
„ეს არის ესპანური ფეხბურთის კლასიკა. „ბილბაო“ საშინაო არენაზე ყოველთვის ეფექტურ და სწრაფ ფეხბურთს თამაშობს, ფეხბურთელებს კი ორმაგი მოტივაცია აქვთ. დარწმუნებული ვარ, რთული შეხვედრა გველის, მაგრამ შევძლებთ გამარჯვებას.“
„გასვლით დაპირისპირებებში გვიჭირს, მაგრამ აუცილებლად შევცვლით სიტუაციას. გუნდს არაერთ ასპექტში აქვს მოსამატებელი, ჩვენ ყველაფერს გავაკეთებთ 3 ქულის მოსაპოვებლად.“
„ჯუდ ბელინგემი ყოველდღიურად ბევრს ვარჯიშობს და მაქსიმალურად ცდილობს, საუკეთესო ფეხბურთი ითამაშოს. ზუსტად ვიცი, რომ ინგლისელი მოუმატებს და მარგი ქმედების კოეფიციენტს გაზრდის.“
„კროოსის პოზიცია? შესაძლოა ის ფიქრობს, რომ მის გარეშეც შეიძლება ფონს გასვლა, თუმცა უნდა დავაფასოთ გერმანელი ლეგენდის არნახული მანევრი, ხედვა, სტილი და პასი. ტონის სახით მართლაც დიდი დანაკლისი გვაქვს, მაგრამ მოცემულობა ეს არის.“
„გონსალო გარსია ბევრს არ თამაშობს, მაგრამ მას აქვს საკმაოდ კარგი ხარისხი და გოლის გატანის ალღო. ეჭვი არ მეპარება, ესპანელი უფრო კარგად ადაპტირდება.“
„ჩვენ გვაქვს საკმარისი ენერგია და შემართება. ვიცით, რომ არც ისე კარგ სიტუაციაში ვართ, მაგრამ ყველაფერი „სან მამესიდან“ უნდა შევცვალოთ.“
„ტრანსფერები? ნამდვილად არ შემიძლია ახლა ვისაუბრო ფეხბურთელებზე, რომლებიც წავლენ, ან მოვლენ. ახლა მხოლოდ ლა ლიგის მომდევნო ტურზე ვფიქრობ.“
„შარშანდელი სეზონი მბაპესთვის მნიშვნელოვანი და წარმატებული იყო, მაგრამ წელს გაცილებით ეფექტურია. დარწმუნებული ვარ, ფრანგი კიდევ მოუმატებს და ყველა რეკორდს დაამხობს.“
„როდრიგო? ბრაზილიელის სიტუაცია საუკეთესო არ არის. ვნახოთ, როგორ განვითარდება მოვლენები, თუმცა სამხრეთ-ამერიკელის კლასს ყველა პატივს სცემს. ის მიიღებს სათამაშო დროს და იმედი მაქვს, გოლსაც მალე გაიტანს.“
„ჩემი თანამდებობა? ეს ყველაფერი ჭორებია. პერესს აღნიშნული რამ არასდროს უთქვამს. მე მაქვს სრული ნდობა.“
- 2 დეკემბერი 2025
- 1 270
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
