ჩაბი ალონსომ „ჟირონასთან“ დაპირისპირების წინ პრესკონფერენცია გამართა.

„ჩვენ საკმაოდ საპასუხისმგებლო შეხვედრა გველის. დარწმუნებული ვარ, გასვლითი შეხვედრის მოგება შეგვიძლია. 3 ქულა სატურნირო თვალსაზრისით მნიშვნელოვანი იქნება.“

„რამდენიმე მოთამაშე გვიბრუნდება, ეს კი ჩვენს რესურსს ზრდის.“

„„ელჩესთან“ შეხვედრაში ბევრი პრობლემა გვქონდა, ეს მატჩი დეტალურად გავაანალიზეთ და იგივე შეცდომების დაშვებას არ ვაპირებთ.!“

„ჰაუსენი ჯერ ვერ ბრუნდება, მას მცირე დრო სჭირდება, სამაგიეროდ, განაცხადში მოხვდებიან მილიტაო, რუდიგერი და მასტანტუონო.“

„ბოლო მატჩებში გაშვებული გოლების რაოდენობით კმაყოფილი არ ვარ. ამ მიმართულებით ბევრი რამ უნდა გავაუმჯობესოთ.“

„კონტროლი, მეტი სისწრაფე, ტექნიკა, მომენტების გამოყენება და კრეატივი. მუდმივად ამას ვამბობ, ჩვენ გვჭირდება ყველა კომპონენტში პროგრესი.“

„ჯუდ ბელინგემი ძალიან ნიჭიერია, მის შესაძლებლობებს საზღვარი არ აქვს. ინგლისელი კვლავ ძიების და სწავლის პროცესშია.“

„ფერლან მენდის სახით გამოცდილი ფეხბურთელი დაგვიბრუნდა. ამხელა პაუზის შემდეგ ფრანგი ეფექტური იყო და დაამტკიცა, რომ დაცვის ფუნქციებს შესანიშნავად ასრულებს. მენდის სახით საკმაოდ სოლიდური ფეხბურთელი გვყავს.“

„ტრენტი საკუთარი თავის მიმართ ძალიან მომთხოვნია. ინგლისელი ადაპტაციის პროცესშია. ეჭვი არ მეპარება, რომ საუეთესო დონეს მალე აჩვენებს.“

„მასტანტუონო ტკივილებით ვარჯიშობდა, სწორედ ამიტომ პაუზა ავიღეთ და მკურნალობა ვურჩიეთ. ახლა არგენტინელი გაცილებით კარგ მდგომარეობაში იმყოფება.“

„ვინისიუსის და მბაპეს კავშირი კიდევ უფრო უმჯობესდება. ჩვენ ყველაფერი უნდა გავაკეთოთ, რომ ფრანგულ-ბრაზილიურმა დუეტმა სრულფასოვნება გამოავლინოს.“

„გუნდის გასახდელში განსაკუთრებული სიმყარეა.  ინფორმაციები, რომელიც ვრცელდება სისულელეა და დიდ ყურადღებას არ ვაქცევთ.“