ბრიტანული გამოცემების ცნობით, ლონდონის „ჩელსიში“ დარწმუნდნენ, რომ ედუარდო კამავინგას ტრანსფერისთვის 100 მილიონ ევროზე მეტია საჭირო.

ლონდონელებს ფრანგი ნახევარმცველი ძალიან მოსწონთ და მიიჩნევენ, რომ მათ ნახევარდაცვას მრავალწლიან პერსპექტივაში გამოცდილი და ამასთანავე პერსპექტიული ფეხბურთელი ეყოლება.

კამავინგას სანაცვლოდ „არისტოკრატები“ 115 მილიონი ევროს გადახდას გეგმავენ, ეს კი ნამდვილად არის ის თანხა, რომელზეც მადრიდული მხარე დაფიქრდება.

ბრიტანელთა ცნობით, „ჩელსი“ 2026 წლის ზაფხულის სატრანსფერო გეგმებს უკვე ალაგებს, ერთ-ერთი ტოპ პრიორიტეტი კი სწორედ მადრიდელი მოთამაშე იქნება.

ლონდონელებს აქვთ გაცხადებული მიზანი, რომ მომდევნო სეზონიდან პრემიერლიგის მთავარი ფავორიტის სტატუსი მოირგონ, ამისთვის კი ძირეულ ცვლილებებს გეგმავენ.