ესპანური გამოცემების ცნობით, არ არის გამორიცხული, ნიკო ფასი იანვრიდან „რეალში“ დაბრუნდეს.

არგენტინელი ფეხბურთელი „კომოში“ ბრწყინავს. იტალიური გუნდი ნიკოს გაშვების კატეგორიული წინააღმდეგია, მაგრამ ყველა სამართლებრივი ბერკეტი ფლორენტინო პერესის ხელშია, სწორედ ამიტომ, ყველაფერი ისე განვითარდება, როგორც „რეალს“ სურს.

„ბლანკოსის“ გენერალურ დირექტორს ჩაბი ალონსოსთან რამდენიმე შეხვედრა ჰქონდა, რომელიც ფასის დაბრუნებას ეხებოდა.

ბასკ სპეციალისტს ნიკოს დაბრუნება სურს და მიიჩნევს, რომ ეს ფეხბურთელი „რეალის“ კრეატივს მნიშვნელოვნად გააუმჯობესებს.

„მარკას“ ინფორმაციით, დეკემბრის თვეში ესპანეთის დედაქალაქში საბოლოო გადაწყვეტილებას მიიღებენ.