რობერტო კარლოსმა მადრიდული კარიერა გაიხსენა და განაცხადა, რომ დაცვის მარცხენა ფლანგზე არაერთ ლეგენდას უთამაშია, თუმცა მარსელო საუკეთესო იყო.

„ჩემს თავზე საუბარი უხერხულია. მივიჩნევ, რომ კარგი მცველი ვიყავი, რომელიც ხშირად ამწვავებდა შეტევებს, მაგრამ ისტორიაში საუკეთესო მარცხენა მცველო მარსელო ვიეირაა.“

„არაერთი ეპოქალური ფეხბურთელის დასახელება შემიძლია, მაგრამ მარსელო საკუთარი კარიერით, ტიტულებით და სტაბილურობით ყველაზე წინ დგას.“

„მალდინი? ის იყო სიმბოლო და ლეგენდა, თუმცა კარიერის ნახევარზე მეტი დაცვის ცენტრში გაატარა.“

„ვამაყობ, რომ „რეალის“ ელჩი ვარ. ვმოგზაურობ მთელ მსოფლიოში და წარმოვადგენ საუკეთესო გუნდს.“

„რომ არა ტრავმები, რონალდო ნაზარიო ფეხბურთის ისტორიის საუკეთესო ფეხბურთელი იქნებოდა, მას ჰქონდა ყველასგან განსხვავებული ტალანტი.“

„კლოდ მაკელელე? მისმა გაყიდვამ კლუბს უდიდესი პრობლემები შეუქმნა და ეს მალევე გავაანალიზეთ.“

„ბექჰემი? ის „გალაქტიკოში“ მოვიდა და საკუთარი ელფერი მოიტანა. ინგლისელს განსაკუთრებული თვისებები ჰქონდა.“

„ზიდანი? ფრანგს შეეძლო ერთი მოძრაობით მატჩის ბედის გადაწყვეტა, სხვა ფეხბურთელები ამისთვის დრიბლინგებს იყენებდნენ.“