ალონსო:„ფეხბურთელებთან ჯანსაღი ურთიერთობა აუცილებელია“
„ოლიმპიაკოსთან“ დაპირისპირების წინ ჩაბი ალონსომ პრესკონფერენცია გამართა.
„ჩავარდნილი მატჩების შემდეგ აუცილებლად გვჭირდება რეაბილიტაცია, სწორედ ამიტომ, ათენში გამარჯვება გვმართებს. ვიცით, რომ აქ თამაში რთულია, მაგრამ 3 ქულის მოპოვება, როგორც ფსიქოლოგიური, ასევე სატურნირო თვალსაზრისით ძალიან მნიშვნელოვანი იქნება,“
„ტაქტიკური მომზადება, ფიზიკური კომპონენტი და სისწრაფე ძალიან მნიშვნელოვანია. ჩვენ გვყავს ძალიან კარგი ფეხბურთელები, რომლებსაც შეუძლიათ მაქსიმუმის ჩვენება.“
„პატივი და დიდი პრივილეგიაა მადრიდული გრანდის მწვრთნელობა. მოდით ნუ დავივიწყებთ მატჩებს, რომელიც ჩავარდნამდე გვქონდა. ლა ლიგის ლიდერები ვართ, ჩემპიონთა ლიგაზე კი ყველაფერი წინ გვაქვს. გუნდმა წინსვლაზე უნდა იფიქროს.“
„მწვრთნელსა და მოთამაშეებს შორის ჯანსაღი დამოკიდებულება აუცილებელია, ამის გარეშე წარმატებას ვერავინ მიაღწევს.“
„ის, რაც პრესაში ხდება, არ არის საინტერესო. მთავარია რა ხდება გასახდელში და რა ხდება ფეხბურთელების ურთიერთობაში. მე მაქსიმალურად ვცდილობ, მომთხოვნი ვიყო, მაგრამ პატივს ვცემ ურთიერთობებს, რომელიც გვაკავშირებს.“
„„ოლიმპიაკოსი“ ძალიან კარგი გუნდია, რომელსაც საშინაო არენაზე გამარჯვებების კარგი გამოცდილება აქვს, მაგრამ მივიჩნევ, რომ ამ მატჩის მოგება ორმაგად მნიშვნელოვანია.“
„სირთულეები? ის, რომ „რეალს“ საბერძნეთში გამარჯვება უჭირს, პირადად ჩემთვის დამატებითი გამოწვევაა.“
„თვითკრიტიკულები ვართ. ვაფასებთ ყველა მატჩს და მომენტს. ჩვენ ვიცით, რამდენად მნიშვნელოვანია დეტალებზე ორიენტირება.“
„100 დღეა ვმუშაობთ, თუმცა ეს არ არის საკმარისი. გუნდის სრულფასოვანი შეკვრისთვის მეტი ინიციტივა და დროა საჭირო.“
„სადავეები? თუ ჩავთვლი, რომ სადავეები ხელიდან გამექცა, პოსტს დავტოვებ. მე არ ვარ ამ სტილის ადამიანი და ვერ დავუშვებ წესრიგში კორექტირების შეტანას.“
„დღეს დილით ვესაუბრე, როგორც ფლორენტინო პერესს, ასევე გენერალურ დირექტორს. მათ წარმატებები მისურვეს.“
- დღეს, 11:52
- 4
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
