ალონსო:,,ბევრი შეცდომა დავუშვით"
ჩაბი ალონსომ „ელჩესთან“ ვერმოგებული შეხვედრის შემდეგ პრესკონფერენცია გამართა.
„ეს ფეხბურთია, რომელიც მოულოდნელობებით არის სავსე. კარგი სერიის შემდეგ, ზედიზედ მესამე შეხვედრა ვერ მოვიგეთ, რაც დასაფიქრებელია, მაგრამ ჩვენ წინ ვიყურებით და ოპტიმისტურად ვართ განწყობილები.“
„წლის ბოლომდე ბევრი მატჩია დარჩენილი, მაქსიმალურად უნდა ვეცადოთ ქულების დაგროვებას და მატჩების მოგებას. ზედიზედ 3 წარუმატებელი შეხვედრის შემდეგ, გუნდს გაორმაგებული მოტივაციით მოუწევს მუშაობა.“
„ყველანი ერთ ნავში ვართ. გუნდი არ ნებდება და კონცენტრაციას ინარჩუნებს. მე ვფიქრობ, რომ პრობლემატური საკითხების გადაჭრა მარტივად არის შესაძლებელი. დარწმუნებული ვარ, მოვუმატებთ და ყველაფერი დალაგდება.“
„შემადგენლობა? ვფიქრობდი, რომ გარკვეული ცვლილებების განხორციელება აუცილებელი იყო, ვინაიდან ნაკრებებიდან დაბრუნებულ ფეხბურთელებს ენერგია აკლდათ.“
„ვცდილობდი, რომ ვერტიკალური ფეხბურთი გვეთამაშა. ფრან გარსიას წინ თამაშის საშუალება მივეცი, მას ამ პოზიცია გამოცდილება ადრეც ჰქონია. არ ვფიქრობ, რომ ამ მხრივ შეცდომები დავუშვი.“
„სამწვრთნელო შტაბთან ერთად ყველაფერს ვაანალიზებ. დეტალურად გავარჩევთ „ელჩესთან“ შეხვედრასაც და ვეცდებით, რომ ყველაფერი შევცვალოთ.“
„სწრაფი თამაში, ტაქტიკური განსწავლულობა და მაქსიმალური ტემპი წარმატების საწინდარია.“
„ვინისიუსი? ბრაზილიელი სკამზე დავსვი, რადგან ნაკრებიდან ძალიან დაღლილი დაბრუნდა, სხვა მიზეზი არ არსებობს.“
- 24 ნოემბერი 2025
- 1 466
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
