ჩაბი ალონსოს განკარგულებაში სრული გუნდია. ტრავმირებული მოთამაშეების გარდა მთავარი მწვრთნელი ყველა მოთამაშეს ავარჯიშებს.

დღევანდელ სესიაზე დიდი ყურადღება დაეთმო ბურთის ფლობის კომპონენტს, პრესინგს, სწრაფ თამაშს, ტაქტიკურ მონახაზებს და კარში დარტყმებს.

ანტონიო რუდიგერმა ივარჯიშა, როგორც სატრენაჟორო დარბაზში, ასევე მწვანე მინდორზე.

სამწუხაროდ, დავიდ ალაბას კუნთის გადატვირთვა აქვს და სრულფასოვან დატვირთვას ვერ იღებს.

მილიტაო, მასტანტუონო და დანიელ კარვახალი სრულფასოვან დატვირთვას იღებენ.

რაც შეეხება ორელიან ჩუამენის, ფრანგი გამოჯანმრთელდა და „ელჩესთან“ დაპირისპირებისთვის 100%-ით მზად იქნება.