მადრიდის „რეალსა“ და კომპანია „Apple“-ს შორის ძალიან ამბიციური ხელშეკრულებაა გაფორმებული, რომლის მიხედვითაც, სანტიაგო ბერნაბეუზე მასშტაბური სამუშაოები დაიწყო.

მსოფლიოს ნებისმიერ წერტილში, Apple-ს ტექნოლოგიების გამოყენებით შესაძლებელი იქნება იმ შეგრძნებების მიღება, რომელსაც ქომაგები სტადიონზე იღებენ.

ბერნაბეუზე დამონტაჟდება ასობით კამერა, რომელიც სივრცის 360 გრადუსით აღქმის საშუალებას მისცემს იმ ადამიანებს, რომლებიც ამ კომპანიის ტექნოლოგიებს იყენებენ.

წვრილმანი დეტალები ჯერ-ჯერობით ცნობილი არ არის, თუმცა ფლორენტინო პერესის გეგმა ძალიან ამბიციურია.

გუშინ მადრიდელებმა კომპანიის ოფიციალურ პირებს კიდევ ერთხელ უმასპინძლეს და მნიშვნელოვან შეთანხმებას მოაწერეს ხელი.