ფრანკო მასტანტუონომ სატელევიზიო გადაცემაში მიიღო მონაწილეობა, სადაც საკუთარ ჯანმრთელობაზე, არსებულ სიტუაციასა და სამომავლო გეგმებზე ისაუბრა.

„საზარდულის ტკივილი მაწუხებს, ეს პროცესი უკვე დიდი ხანია გრძელდება, სწორედ ამიტომ, კლუბმა მთხოვა, რომ სრულფასოვანი რეაბილიტაცია გავიარო. მე მაქვს სპეციალური პროგრამა, რომელსაც ვანხორციელებ და ვიცი, რომ ეს წარმატებას მოიტანს.“

„ვცდილობ, სასიამოვნოდ მივიღო პასუხისმგებლობა, რომელიც დაკისრებული მაქვს. აქ ყოფნა დიდი მოტივაციაა, ფსიქოლოგიურ ზეწოლას კი ყურადღებას არ ვაქცევ, ეს ჩემი ოცნების კლუბია.“

„„რივერ პლეიტი“ არგენტინაში საუკეთესოა და ეს არაერთხელ დაუმტკიცებია. გუნდის ბოლო მატჩი წარმატებული არ იყო, თუმცა მე „რივერის“ დიდი გულშემატკივარი ვარ და ვიცი, რომ საკუთარ დონეს დაუბრუნდება.“

„ჯუდ ბელინგემი ფანტასტიკური მოთამაშეა, მას აქვს განსაკუთრებული უნარები და თავდამსხმელებს ეფექტურობაში ეხმარება.“

„მესი? არაერთხელ მითქვამს, რომ ის მსოფლიოში საუკეთესო ფეხბურთელია და ჩემთვის მასზე მაღლა არავინ დგას. არაფერშუაშია „რეალი“ და „ბარსელონა“, მე მაქვს ლეოს პერსონალური პატივისცემა.“

„ფეხბურთელი რომ არ ვყოფილიყავი, მუსიკოსი ვიქნებოდი, ეს ჩემი გატაცებაა და დიდ სიამოვნებას მანიჭებს.“

„ვინისიუსი მარცხენა ფლანგიდან საოცარ სისწრაფეებს ანვითარებს, მსურს, რომ მასსავით ეფექტური ვიყო.“

„რომელ ფეხბურთელს შევადარებდი მესის? როგორც გითხარით, ის შეუდარებელია.“