ესპანური გამოცემების ცნობით, ზინედინ ზიდანის და მადრიდის „რეალის“ ურთიერთობა შესანიშნავია.

მადრიდულ გრანდში ფრანგი სპეციალისტი აუცილებლად დაბრუნდება და მესამედ მიიღებს გამოწვევას. ეს გადაწყვეტილია, „ბლანკოსში“ ეჭვი არ ეპარებათ, რომ ზიზუს შესაძლებლობების გამოყენებას შეძლებენ.

ჩაბი ალონსოს მიმართ გუნდში დიდი ნდობა არსებობს და „ბლანკოსი“ მის გათავისუფლებას იმ შემთხვევაშიც არ აპირებს, თუ გუნდი სეზონს უტიტულოდ დაასრულებს.

ბასკი სპეციალისტის წასვლის შემდეგ კი ზინედინ ზიდანი მთავარი კანდიდატი იქნება, იქამდე კი ლეგენდა საფრანგეთის ნაკრებს ჩაიბარებს.

ფლორენტინო პერესს სურს, რომ სანამ გუნდის პრეზიდენტი იქნება, ზიზუს კიდევ ერთხელ მისცეს შანსი.