ესპანური გამოცემების ცნობით, დავიდ ალაბას მადრიდის „რეალთან“ კონტრაქტის განახლება სურს.

მიმდინარე ხელშეკრულებას ვადა 2026 წლის 30 ივნისს ეწურება, რაც იმას ნიშნავს, რომ დავიდს პირველი იანვრიდან სხვა კლუბებთან ოფიციალური მოლაპარაკებების უფლებაც ექნება, თუმცა ავსტრიელ მოთამაშეს სხვა გეგმები აქვს.

ალაბა ფიქრობს, რომ მისი ფიზიკური კონდიციები მნიშვნელოვნად არის გაუმჯობესებული, სწორედ ამიტომ, „ბლანკოსთან“ განახლებაზე საუბარს აპირებს.

გამოცდილი მცველი მხოლოდ იმ შემთხვევაში დაიწყებს სხვა კლუბებთან საუბარს, თუ ფლორენტინო პერესისგან ოფიციალურად მიიღებს უარს.