კარლო ანჩელოტიმ ჟურნალისტებთან ვრცელი ინტერვიუ ჩაწერა, სადაც მადრიდის „რეალზე“ საკმაოდ ბევრი ისაუბრა.

„ეს კლუბი სულ სხვა განზომილებაა. ყოველთვის მადრიდისტა ვიქნები, „რეალი“ ჩემს გულშია და მსურს, რომ რაც შეიძლება დიდ წარმატებას მიაღწიოს.“

„ჩაბი ჭკვიანი მწვრთნელია, მკაფიო იდეებით, მიდგომებით და მომავლის ხედვით. ის ჩემი ფეხბურთელი იყო და ჯერ კიდევ 10 წლის წინ ვამბობდი, რომ მისი სახით თანამედროვე ფეხბურთს უდიდესი სპეციალისტი შეემატებოდა. ესპანელს დიდ წარმატებას ვუსურვებ, ის ძალიან მონდომებულია და გამარჯვებას იმსახურებს.“

„ჯერ-ჯერობით ნამდვილად ვერ გეტყვით, იასპარეზებს თუ არა ენდრიკ ფელიპე მსოფლიო ჩემპიონატზე. მასში დიდი პოტენციალი დევს, დანარჩენს კი მომდევნო თვეები გვაჩვენებს.“

„არ ვიცი, შეიცვლის თუ არა ახალგაზრდა ფეხბურთელი კლუბს, ეს ახლა ჩემი საქმე ნამდვილად არ არის.“

„ფელიპე ძალიან ახალგაზრდაა, თუ 2026 წლის მუნდიალზე ეროვნულ ნაკრებს ვერ დაეხმარება, წინ არის 2030, 2034 და 2038 წლის მუნდიალები, მას თავისუფლად შეუძლია მოწოდების სიმაღლეზე დგომა.“

„კროოსი და მოდრიჩი? დედამიწაზე არ არსებობს ფეხბურთელი, რომელიც იმ ფუნქციას 100%-ით შეასრულებს, რასაც ეს ორი ადამიანი ასრულებდა. „რეალმა“ უნდა დაიმატოს მათი მსგავსი მოთამაშეები, რომლებიც ახლოს იქნებიან ასეთ საშემსრულებლო ოსტატობასთან. არ ვიცი რა მოხდება მომავალში, მაგრამ დღეს ფეხბურთს კროოსის და ლუკას დონის ნახევარმცველი არ ჰყავს.“

„კრიშტიანო? ბედნიერი ვარ, რომ მასთან ვმუშაობდი. დარწმუნებული ვარ, პორტუგალიელი 1 000 გოლს მიაღწევს და კარიერას მხოლოდ ამის შემდეგ დაასრულებს.“

„არდა გიულერს დიდი მომავალი აქვს, პირველი წელი მისთვის რთული იყო, რასაც პირველ რიგში ტრავმები განაპირობებდა. მივიჩნევ, რომ ის კიდევ მოუმატებს და გაიბრწყინებს.“

„ბელინგემის სახით  „რეალს“ მარგალიტი ჰყავს. ის ტოპ კლასის ნახევარმცველია.“

„მიდგომა არასდროს შემიცვლია. ვთვლი და დარწმუნებული ვარ, რომ კარგ ნახევარდაცვას წარმატებაში გარდამტეხი ეფექტი აქვს.“

„ეგოებთან ბრძოლა? მე ვწვრთნიდი გუნდს, სადაც ერთად თამაშობდნენ რონალდუ, ბეილი, ბენზემა, მარსელო, რამოსი, კროოსი, კაზემირო, მოდრიჩი და სხვები, თუმცა ამ მხრივ არასდროს არანაირი პრობლემა არ მქონია. როდესაც რესურსი გაქვს, გამოყენება უნდა იცოდე.“

„როდრიგოს პრობლემები? მას გასულ სეზონში გარკვეული პრობლემები ჰქონდა, მაგრამ შემდეგ ყველაფერი დაძლია. გოეშის პროფესიონალიზმში ეჭვის შეტანა სისულელეა, ის ძალიან ძლიერი ფეხბურთელია.“