ესპანური გამოცემების ცნობით, ჩაბი ალონსოსა და მადრიდის „რეალის“ გენერალურ დირექტორს შორის შეხვედრა შედგა.

ესპანელმა სპეციალისტმა გენერალურ დირექტორს გუნდში არსებული სიტუაცია და სამომავლო გეგმები გააცნო.

ჩაბის აზრით, „მერენგებსა“ და ანტონიო რუდიგერს შორის მოლაპარაკებები რაც შეიძლება მალე უნდა დაიწყოს და დასრულდეს. გერმანელი ფეხბურთელი სხვაგან არ უნდა წავიდეს.

ამ ეტაპისთვის რუდიგერზე პრეტენზიას ლონდონის „ჩელსი“ და საუდის არაბეთის კლუბები აცხადებენ, სწორედ ამიტომ, „ბლანკოს“ ქმედით ნაბიჯებს დროულად გადადგამს.

„მარკას“ ინფორმაციით, დეკემბრის ბოლომდე შეთანხმდება ახალი კონტრაქტის დეტალები, რომელიც ანტონიოს ბერნაბეუზე დარჩენას 2027 წლის 30 ივნისამდე გაითვალისწინებს.