ესპანური და ბრიტანული გამოცემების ცნობით, დიდი შანსია, როდრიგო გოეშმა კარიერა ინგლისის პრემიერლიგაში გააგრძელოს.

სამხრეთ-ამერიკელი შემტევი ძალიან უკმაყოფილოა მოცემულობით, რომელიც მადრიდის „რეალში“ აქვს. ის სათამაშო დროს ფაქტობრივად არ იღებს.

არსებული ინფორმაციით, ლონდონის „არსენალს“ გოეშის იჯარით აყვანა სურს, რომელსაც 6 თვიანი ვადა ექნება, თუმცა შეთანხმებაში ჩაიდება პუნქტი, რომლის მიხედვითაც, „მეთოფეებს“ ფეხბურთელის 80 მილიონ ევროდ გამოსყიდვის საშუალება ექნებათ.

მიკელ არტეტას აზრით, 6 თვე სრულიად საკმარისი იქნება იმისთვის, რომ როდრიგოს ინგლისური პერსპექტივა დაინახოს.

ესპანური გამოცემების ცნობით, გოეში თავად არის დაინტერესებული „არსენალში“ გადასვლით და ამაზე საუბარი ალონსოსთანაც ჰქონდა.