ჰალანდის დამატება ნახევარ მილიარდამდე სარგებელს მოიტანს
ესპანელი ანალიტიკოსები, ფინანსური ანალიზის ექსპერტები და „რეალთან“ დაახლოებული პირები ფლორენტინო პერესს უმტკიცებენ, რომ ერლინგ ჰალანდის გამადრიდელება კლუბს სერიოზულ ფინანსურ სარგებელს მოუტანს.
„რეალს“ მანჩესტერ „სიტის“ ფორვარდის დამატება 200 მილიონი ევრო დაუჯდება, რაც მცირე თანხა ნამდვილად არ არის და საქმე ისტორიულ რეკორდულ ტრანსფერთან გვექნება, მაგრამ არსებული მოცემულობა „ბლანკოსს“ საშუალოვადიან პერსპექტივაში დიდ სარგებელს მოუტანს.
ექსპერტების აზრით, ჰალანდის მაისურების გაყიდვა პირველი 18 თვის განმავლობაში ყველა რეკორდს დაამყარებს, ამის მტკიცე მაგალითი კი მბაპეს მაისურების რეალიზაციიდან მიღებული თანხებია. კილიანმა კრიშტიანო რონადლუს მიერ 2009 წელს დაფიქსირებული მაჩვენებელი ზუსტად 4 თვეში გააუმჯობესა.
გარდა ამისა, „ბლანკოსში“ არსებობს გარკვეული სტანდარტები საიმიჯო უფლებებთან დაკავშირებით, რომლის მიხედვითაც, კლუბს მოთამაშის სარეკლამო შემოსავლების მინიმუმ 40%-იანი ფლობა უნდა ჰქონდეს.
ჰალანდი ერთ-ერთი ყველაზე მაღალშემოსავლიანი ფეხბურთელია, „რეალში“ გადასვლის შემდეგ კი მისი საიმიჯო მიზიდულობა კიდევ უფრო გაიზრდება, რაც პირდაპირპროპორციულად გაზრდის შემოსავლებსაც.
ყოველივე ზემოაღნიშნულიდან გამომდინარე, „რეალი“ 2026 წლის ზაფხულში გვარდიოლას მთავარი ფორვარდის დამატებისთვის ყველაფერს იღონებს.
- 6 ნოემბერი 2025
- 2 503
- 12
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
