ესპანური გამოცემების ცნობით, ერლინგ ჰალანდთან დაკავშირებით „რეალის“ ოფისებში საუბარი გააქტიურდა.

ნორვეგიელ ფეხბურთელს მანჩესტერ „სიტისთან“ მრავალწლიანი კონტრაქტი აკავშირებს, მაგრამ ამ შეთანხმებაში დევს პუნქტები, რომლის მიხედვითაც, „რეალს“ მისი დამატება შეუძლია.

საუბარია 200 მილიონ ევროზე, ამ თანხის გამომუშავება კი ფლორენტინო პერესს ვინისიუს ჟუნიორის გაყიდვით შეუძლია.

მადრიდული გამოცემების ცნობით, ესპანეთის დედაქალაქში ჰალანდზე საუბარი სერიოზულად არის გააქტიურებული, ნორვეგიელის სტილი ალონსოს გეგმებშიც ჯდება.

საბოლოო ჯამში ჩაბის სურს, რომ 4-4-2 სქემაზე ააშენოს გუნდი, რომელიც წლების მანძილზე განსაკუთრებულ სტაბილურად გამოიჩენს.

4-4-2 სქემის შემთხვევაში, ალონსო წინა ხაზში მბაპეს და ერლინგ ჰალანდს წარმოიდგენს, ამისთვის კი „ბლანკოსს“ დიდი ძალისხმევა მოუწევს.

თუ ტრანსფერი წარმატებით დაიხურება, ნორვეგიელი „რეალის“ ყველა დროის ყველაზე ძვირადშეძენილი ფეხბურთელი გახდება და ისტორიის ახალ ფურცელს დაწერს.