ალექსის მაკ ალისტერმა „ლივერპულისა“ და „რეალის“ დაპირისპირებაში კიდევ ერთხელ აჩვენა ყველას, თუ რამხელა მნიშვნელობა აქვს დღევანდელ ფეხბურთში კრეატიული ნახევარმცველის ყოლას, რომელსაც დამატებითი ფუნქციების შესრულება შეუძლია.

გარდა იმისა, რომ არგენტინელი მოთამაშე ბრწყინვალედ ფლობს ბურთს, თამაშში ბალანსის შეტანა შეუძლია, კარგი ხედვა აქვს და პასებსაც გონივრულად არიგებს, ის ეტაპობრივად უკვე ხდება „ლივერპულის“ ხერხემალი.

მადრიდის „რეალის“ ინტერესის შესახებ არგენტინელი ფეხბურთელის მიმართ ყველას კარგად მოეხსენება.

მადრიდული გამოცემები იუწყებიან, რომ „ენფილდზე“ ნაჩვენები საოცარი თამაშის შემდეგ, მაკ ალისტერის მიმართ ინტერესი კიდევ უფრო გაღვივდა.

ფლორენტინო პერესი მერსისაიდელთა ნახევარმცველს „ბლანკოსის“ რიგებში ხედავს და 2026 წელს სერიოზულ აქტიურობას აპირებს.

„მერენგების“ პირველი შეთავაზება ინგლისელებთან 80 მილიონიანი იქნება.