მადრიდის „რეალის“ ფეხბურთელებმა ვალდებებასის ბაზაზე ფინალური ვარჯიში გამართეს.

ლივერპულში გამგზავრებამდე გუნდმა ჩაბი ალონსოსგან ბოლო რჩევა-დარიგებები მიიღო.

„ენფილდზე“ ვიზიტისთვის ყველაფერი მზად არის.

დასკვნით სესიაზე ყურადღება ბურთის ფლობას, მოკლე სივრცეში ზუსტ და სწრაფ თამაშს, ტაქტიკურ მონახაზებს და კარში დარტყმებს დაეთმო.

დავიდ ალაბა, რუდიგერი და დანი კარვახალი კვლავ აღდგენით პროცესში არიან.

სესია გამოტოვა ფრანკო მასტანტუონომაც, რომელსაც საზარდულის ტრავმა დაუდგინდა.