მას შემდეგ, რაც მარსელო ვიეირამ ჯერ სასურველი ფორმა დაკარგა, ხოლო შემდეგ „რეალი“ საერთოდ დატოვა, სამეფო კლუბმა ამ პოზიციაზე არაერთი მოთამაშე მოსინჯა.

თავის დროზე ფლორენტინო პერესმა „ლიონს“ ფერლან მენდის სანაცვლოდ 40 მილიონი ევრო გადაუხადა და მენდიმაც საკმაოდ სტაბილურად დაიწყო, თუმცა შემდეგ მიღებულმა ტრავმებმა და მატჩების გამოტოვებამ სიტუაცია არია.

„რეალმა“ მარცხენა მცველის პოზიციაზე მოსინჯა მიგელ გუტიერესიც, ფრან გარსიას, ნაჩო ფერნანდესიც, კამავინგა და სხვები, თუმცა მარსელოს შემცვლელი რეალურად ვერ მოიძებნა.

გასულ ზაფხულში პერესმა კანტერანო ალვარო კარერასი გუნდში დააბრუნა და საკმაოდ სოლიდური თანხაც გადაიხადა, მაგრამ ესპანელი ფეხბურთელის დაბრუნებას ძალიან მტკიცე და კარგი შედეგები მოყვა.

„მარკას“ ცნობით, მადრიდში მიაჩნიათ, რომ მარცხენა მცველის პრობლემა ერთხელ და და სამუდამოდ მოგვარდა და ამ პოზიციას წლების განმავლობაში დაეპატრონება კარერასი.