ბოლო 9 მატჩში მადრიდის „რეალმა“ „ლივერპულს“ 7 მოუგო.

„მერენგების“ „მერსისაიდელთა“ წინააღმდეგ შესანიშნავი შედეგები აქვთ. ბოლო 9 დაპირისპირებაში ჩემპიონთა ლიგის 2 ფინალიც შედის.

ასევე აღსანიშნავია, „ენფილდზე“ 2-5 მოგება, სადაც „ლივერმა“ საოცრად დაიწყო, მაგრამ საბოლოო ჯამში „მერენგებმა“ ისტორია შეცვალეს.

„რეალი“ გახდა პირველი გუნდი, რომელმაც „ლივერპულს“ ჩემპიონთა ლიგაზე, მისსავე მოედანზე 5 გოლი გაუტანა.

2014 წლიდან მოყოლებული დღემდე, „ლივერპულმა“ მადრიდული გრანდი მხოლოდ შარშან, 27 ნოემბერს, ანგარიშით 2-0 დაამარცხა.