თუ ვინისიუს ჟუნიორი მადრიდის „რეალს“ დატოვებს, ფლორენტინო პერესის ბიუჯეტი მნიშვნელოვნად შეივსება და „ბლანკოსი“ ახალ, სუპერ ტრანსფერს განახორციელებს.

არსებული ინფორმაციით, ვინისიუსის წასვლის შემთხვევაში, კილიან  მბაპე ჩვეულ პოზიციას, მარცხენა შემტევს დაუბრუნდება და გუნდში ტიპიური 9-იანის საჭიროება დადგება.

ეს ადამიანი კი შესაძლოა ერლინგ ჰალანდი გახდეს, რომელსაც მანჩესტერ „სიტისთან“ მრავალწლიანი კონტრაქტი აკავშირებს, თუმცა შეთანხმებაში დევს პუნქტები, რომლის მიხედვითაც, 2026 წლიდან კონკრეტულ თარიღებში ფეხბურთელს წასვლის საშუალება ექნება.

ამის პარალელურად, BILD იუწყება, რომ „რეალი“ ჰარი კეინსაც უწევს მონიტორინგს, მაგრამ ინგლისელი ფორვარდის ასაკი ხელისშემშლელი გარემოებაა. ჰარი ამ სეზონში მართლაც კარიერის საუკეთესო მატჩებს ატარებს, თუმცა რამდენ ხანს გაგრძელდება ასე თამაში არავინ იცის.