ტურინის „იუვენტუსმა“ იგორ ტუდორი თანამდებობიდან გაათავისუფლა და მთავარ მწვრთნელად ლუჩანო სპალეტი დანიშნა.

„ბებერი ქალბატონი“ საშინლად უკამყოფილოა შედეგებით, რომელიც გუნდმა ამ სეზონში აჩვენა, სწორედ ამიტომ, ახალი პროექტის განხორციელებას გეგმავს.

ტრანსფერების გარეშე, „იუვენტუსის“ საქმე ვერ გამოსწორდება, სწორედ ამიტომ, იტალიური მხარე არაერთი მიმართულებით მუშაობს.

ესპანური გამოცემების ცნობით, სპალეტის „რეალის“ 2 ფეხბურთელის გადაბირება სურს, ესენი არიან დანი სებალიოსი და ფერლან მენდი.

იტალიური გამოცემების ცნობით, როგორც მენდი, ასევე სება, გუნდიდან წასვლის კანდიდატები არიან და „იუვენტუსი“ საინტერესო წინადადების მომზადების შემთხვევაში, ორივე შეთანხმებას წარმატებით დახურავს.