ესპანური გამოცემების ცნობით, მადრიდის „რეალისა“ და ვინისიუს ჟუნიორის ახალ კონტრაქტთან დაკავშირებით, საუბრები იანვრიდან განახლდება.

ბრაზილიელი ფეხბურთელის ბოდიშის შემდეგ მხარეებს შორის ურთიერთობა დათბა. როგორც ჩანს, ჩაბი ალონსოს ვინისიუსთან სერიოზული საუბარი ჰქონდა და სამხრეთ-ამერიკელმა საჯაროდ მოიხადა ბოდიში.

„რეალს“ სურს, რომ ვინი გუნდში 2030 წლის 30 ივნისამდე დატოვოს. თუ მოთამაშეს სურვილი ექნება, ის 6 წლიან კონტრაქტსაც მიიღებს და 2031 წლის ზაფხულამდე დარჩება გუნდში.

ვინი ჯერ კიდევ ძალიან ახალგაზრდაა და მასზე მრავალწლიანი გათვლის გაკეთება შეიძლება.

„ას“-ის ინფორმაციით, „ბლანკოსში“ დარწმუნებულები არიან, რომ მოთამაშე საკუთარი შემართებით და ჟინით მაინც შეძლებს უმაღლესი მწვერვალების დაპყრობას და ოქროს ბურთის მოგებას.