ფლორენტინო პერესი დაეთანხმა ინიციატივას, რომლის მიხედვითაც, სანტიაგო ბერნაბეუზე საშობაო პარკი მოეწყობა და უამრავ სტუმარს ექნება შესაძლებლობა, რომ „რეალის“ არენაზე დაუვიწყარი ემოციები განიცადოს.

24 დეკემბრიდან 31 დეკემბრამდე „რეალის“ სტადიონზე სპეციალური განათებები დამონტაჟდება, დაიდება მინდვრის სპეციალური  საფარი, მოეწყობა გასართობი სივრცეები და სხვადასხვა საშობაო აქტივობა.

დაგეგმილია ოჯახური და მეგობრული გარემოს შექმნა და ბავშვებისთვის ბევრი სიურპრიზის გაკეთება.

მადრიდში მიაჩნიათ, რომ 7 დღიან შუალედში „რეალის“ არენას ასობით ათასი სტუმარი ესტუმრება.