მადრიდის „რეალის“ ფეხბურთელები „ვალენსიასთან“ შეხვედრისთვის მზადებას განაგრძობენ.

კვირის მეორე ვარჯიში წარმატებით დასრულდა. ჩაბი ალონსომ შეკრებაზე დიდი ყურადღება დაუთმო პრესინგს, სწრაფ თამაშს, სტანდარტულებს და კარში დარტყმებს.

ვარჯიშზე გამოცხადდა რამდენიმე კანტერანოც.

ტრავმირებული ფეხბურთელები აღდგენით პროცესს აგრძელებენ, სხვა ყველა მოთამაშე კი სრულფასოვნად იტვირთება.

„ღამურებთან“ შეხვედრა პირველ ნოემბერს არის ჩანიშნული, რაც იმას ნიშნავს, რომ ხვალ გუნდი ფინალურ სესიას გამართავს.