სამეფო კლუბის ოფიციალურმა ვებ-გვერდმა ოფიციალური განცხადება გაავრცელა.

ჩვენი  საფეხბურთო კლუბი მიესალმება მადრიდის პროვინციული სასამართლოს მიერ უეფას, ესპანეთის სამეფო ფეხბურთის ფედერაციისა და ლალიგას მიერ შეტანილი სააპელაციო საჩივრების უარყოფას, რითაც დადასტურდა, რომ უეფამ სუპერლიგის საქმეში სერიოზულად დაარღვია ევროკავშირის თავისუფალი შეჯიბრის წესები, ევროპის კავშირის სასამართლოს გადაწყვეტილების შესაბამისად, დომინანტური პოზიციის ბოროტად გამოყენებით.

ეს გადაწყვეტილება კლუბს საშუალებას აძლევს მოითხოვოს მნიშვნელოვანი ზიანის ანაზღაურება.

„ბლანკოსის“ ხელმძღვანელობამ  2025 წლის განმავლობაში არაერთი განხილვა გამართა უეფასთან საუკეთესო გადაწყვეტილებების მოსაძებნად, მაგრამ ვერ იქნა მიღწეული შეთანხმება უფრო გამჭვირვალე მმართველობის, ფინანსური მდგრადობის, მოთამაშეთა ჯანმრთელობის დაცვისა და გულშემატკივრებისთვის გამოცდილების გაუმჯობესების, მათ შორის უფასო და გლობალურად ხელმისაწვდომი მაუწყებლობის მოდელების შესახებ, როგორც ეს იყო ფიფას საკლუბო მსოფლიო ჩემპიონატის შემთხვევაში.

შესაბამისად, კლუბი აცხადებს, რომ გააგრძელებს მუშაობას გლობალური ფეხბურთისა და მისი გულშემატკივრების საკეთილდღეოდ, ამასთანავე, მოითხოვს კომპენსაციას უეფასგან მიყენებული მნიშვნელოვანი ზიანისთვის.