მადრიდის „რეალის“ ფეხბურთელებმა ლა ლიგის მომდევნო ტურისთვის მზადება დაიწყეს.

ორდღიანი შესვენების შემდეგ სამეფო კლუბის ფეხბურთელები ვალდებაბასზე შეიკრიბნენ და კვირის პირველი ვარჯიში გამართეს.

დანი კარვახალმა ოპერაცია გაიკეთა და აღდგენითი პროცესი ჯერ არ დაუწყია, ალაბა და ანტონიო რუდიგერი კი ამ პროცესში არიან.

სხვა მოთამაშეებმა დღეს სრულფასოვანი დატვირთვა მიიღეს. ალონსომ სესიაზე დიდი ყურადღება დაუთმო ტაქტიკურ მონახაზებს, კარში დარტყმებს, სტანდარტულებს და პრესინგს.

ვარჯიშს ესწრებოდა სამი კანტერანო.