„რეალი“ შუა ხაზს 3 ნახევარმცველით გააძლიერებს
ესპანური გამოცემების ცნობით, 2026 წლის ზაფხულში მადრიდის „რეალს“ 3 ნახევარმცველი შეემატება. ჩაბი ალონსოს აზრით, გუნდის ნახევარდაცვის გაძლიერება გრძელვადიანი პერსპექტივაში ძალიან მნიშვნელოვან შედეგებს მოიტანს.
ფეხბურთელების ნაკლებობა გუნდში ნამდვილად არ არის, თუმცა ნახევარდაცვაში მეტი კრეატივია საჭირო იმისთვის, რომ დაცვასა და აგრესიულ თავდასხმას შორის კარგი კავშირი შედგეს.
არსებული ინფორმაციით, სამეფო კლუბს ნიკო ფასის და ჩემა ანდრესის დამატება მტკიცედ აქვს გადაწყვეტილი, თანაც ორივე მოთამაშის დაბრუნებისთვის, გუნდი ჯამურად მაქსიმუმ 30 მილიონ ევროს გადაიხდის, ეს კი ბიუჯეტის მნიშვნელოვანი დაზოგვა იქნება.
ამასთან ერთად, მადრიდული გრანდი სერიოზულად მუშაობს ალექსის მაკ ალისტერის „ბლანკოსში“ გადასვის საკითხზე. ჩაბი ალონსოს „ლივერპულის“ ფეხბურთელი მოსწონს, მადრიდში კი მიიჩნევენ, რომ არგენტინელი ფეხბურთელის დამატება დაახლოებით 80-90 მილიონი ევროს ფარგლებში იქნება შესაძლებელი.
ყოველივე ზემოაღნიშნულიდან გამომდინარე, გუნდს თავისუფალი ადგილებიც დასჭირდება, წასვლის პირველი კანდიდატები დანი სებალიოსი, დავიდ ალაბა და ფერლან მენდი არიან.
- 29 ოქტომბერი 2025
- 3 064
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
