ფლორენტინო პერესი აღფრთოვანებულია სათამაშო დონით, რომელსაც კანტერანო ჩემა ანდრესი გერმანიის ბუნდესლიგაში აჩვენებს.

ჩემა „შტუტგარტის“ ნახევარდაცვის ლიდერად ჩამოყალიბდა და ამ გუნდის სათამაშო სტილი სწორედ კანტერანოზე აეწყო.

ანდრესის სტატისტიკა საოცარია, ის ბურთს ფაქტობრივად არ კარგავს, ბრწყინვალედ ანაწილებს გადაცემებს, აქვს მოედნის კარგი ხედვა და გუნდის თამაშში ბალანსი შემოაქვს.

„რეალსა“ და „შტუტგარტს“ შორის არსებულ შეთანხმებაში დევს პუნქტი, რომლის მიხედვითაც, ფლორენტინო პერესს მოთამაშის უკან დაბრუნება 2027 წლის 31 აგვისტოს ჩათვლით შეუძლია.

პირობების მიხედვით, თუ „რეალი“ 2026 წლის 31 აგვისტომდე გერმანულ გუნდს 13.5 მილიონ ევროს გადაუხდის, ანდრესი ბერნაბეუზე დაბრუნდება, შეთანხმების 2027 წლის ზაფხულში განხორციელების შემთხვევაში კი თანხა 18 მილიონ ევრომდე გაიზრდება.