ორელიან ჩუამენიმ „ბარსელონას“ დამარცხების შემდეგ კომენტარი გააკეთა.

„ჩაბი ალონსომ ბევრი იმუშავა და შეიმუშავა სპეციალური გეგმა, რომლის განხორციელების წყალობითაც, ჩვენ დამსახურებული 3 ქულა ჩავიწერეთ აქტივში. „ბარსელონას“ დამარცხება ყოველთვის ძალიან სასიამოვნოა, მითუმეტეს საშინაო არენაზე და თანაც დამაჯერებლად. ჩვენ გვქონდა მიდგომები, რომელმაც მოიტანა წარმატება. დიდი ენერგია დავხარჯეთ, მოედნის ყველა წერტილში ბოლომდე ვიხარჯებოდით და შედეგიც მივიღეთ.“

„ეს არ არის რიგითი მოგება, ეს არ არის რიგითი 3 ქულა. ასეთ მატჩებს საერთო ჯამში გადამწყვეტი მნიშვნელობა ენიჭება. მიხარია, რომ უახლოეს მდევარს ახლა უკვე 5 ქულით ვუსწრებთ.“

„„ატლეტიკოსთან“ მარცხმა ჩვენზე ძალიან ცუდად იმოქმედა, მას შემდეგ ბევრი ასპექტი დავხვეწეთ. გუნდი კიდევ უფრო გაძლიერდება. გვაქვს პერსპექტივა, რომ მოვუმატოთ და საუკეთესო შედეგები მივიღოთ.“

„ლამინ იამალის ქცევები? მე არ მაქვს უფლება სხვა კლუბის ფეხბურთელი შევაფასო. მხოლოდ იმის თქმა შემიძლია, რომ ის მოედანზე ძალიან სახიფათოა.“

„როდესაც გუნდში ბელინგემი გყავს, ეს დიდი ფუფუნებაა. ინგლისელი ფეხბურთელის შესაძლებლობს საზღვარი არ აქვს.“

„ვინისიუსის რეაქცია ბუნებრივი იყო. ის სრულფასოვნად ერთვებოდა თამაშში და მწვანე მინდვრის დატოვება არ სურდა. ის ახლა ძალიან ბედნიერია. მოდით, გავიგოთ მისი ემოციები და გავაზიაროთ ემოციები.“

„ყველა სეზონს თავისი ისტორია აქვს. შარშან „ბარსელონასთან“ გვიჭირდა, წელს კი ვითარება რადიკალურად შეცვლილია. წელს ჩვენ სხვა გუნდი ვართ.“