ალექსის მაკ ალისტერის მიმართ მადრიდის „რეალის“ ინტერესი იზრდება. ფლორენტინო პერესი ხვდება, რომ მოედნის ცენტრის გაძლიერების გარეშე, „რეალს“ ფონს გასვლა გაუჭირდება.

მაკ ალისტერი სწორედ ის ფეხბურთელია, რომელსაც შეუძლია ბურთის განაწილება, გუნდის თამაშში მეტი ბალანსის შეტანა და დაცვასა და წინა ხაზს შორის იდეალური კავშირის დამყარება.

ჩაბი ალონსო ნახევარმცველს გასულ ზაფხულსაც ითხოვდა, მაგრამ პერესმა არ გარისკა.

მიმდინარე სეზონი კვლავ აჩვენებს, რომ ნახევარდაცვის რგოლში კრეატიული ფიგურის ყოლა სასიცოცხლოდ მნიშვნელოვანია.

ესპანური გამოცემების ცნობით, ფლორენტინო პერესს 80 მილიონი ევრო აქვს გამზადებული და მიაჩნია, რომ ამ თანხის სანაცვლოდ „ლივერპულის“ დაყოლიებას შეძლებს.

ამ ყველაფერს ემატება თავად ფეხბურთელის სურვილი ბერნაბეუზე თამაშთან დაკავშირებით.