ალონსო:„„ელ კლასიკოს“ მოგება დამატებით მუხტს შექმნის“
ჩაბი ალონსომ „ელ კლასიკოს“ წინ პრესკონფერენცია გამართა და არაერთ საინტერესო საკითხზე ისაუბრა.
„ყოველი „ელ კლასიკო“ ისტორიაა. ჩვენ ყველაფერი უნდა გავაკეთოთ იმისთვის, რომ გავიმარჯვოთ და ბერნაბეუზე შეკრებილი პუბლიკა ბედნიერი იყოს. რა თქმა უნდა, დიდი ენთუზიაზმით მოვემზადეთ და მზად ვართ საბრძოლველად.“
„ჩვენი პროექტი ახლა იწყება, მხოლოდ 2 თვეა ერთად ვართ. დარწმუნებული ვარ, გუნდი კიდევ მოუმატებს და უფრო სოლიდური გახდება.“
„შარშან „ელ კლასიკოებში“ გუნდს ცუდი შედეგი ჰქონდა, ახლა კი სიტუაცია უნდა შევცვალოთ და გავიმარჯვოთ.“
„„იუვენტუსთან“ რამდენიმე ფეხბურთელი გვაკლდა, მაგრამ ახლა სიტუაცია შეცვლილია. ჰაუსენის, ტრენტის, დანი კარვახალის და სებალიოსის დაბრუნება რა თქმა უნდა, მნიშვნელოვნად ზრდის ჩვენს რესურსს.“
„„ბარსელონასთან“ დაფიქსირებული თამაშგარეები? ამ გუნდს უყვარს მაღალი დაცვით თამაში, ეს ჩვენ ვიცით, სწორედ ამიტომ, მაქსიმალურად ვეცდებით, ტერიტორიები ვაკონტროლოთ.“
„ვიცით, რომ მომდევნო მატჩს განსაკუთრებული ელფერი აქვს, ჩვენი პასუხისმგებლობა კი უდიდესი იქნება.“
„სასტარტო თერთმეტეულში მოხვდებიან ფეხბურთელები, რომლებიც ყველაზე კარგად არიან მზად. ვეცდები, იდეალური გადაწყვეტილებები მივიღო.“
„მბაპე კარგ ფორმაშია, ბევრი გოლი გააქვს და პროდუქტიულ ფეხბურთს თამაშობს, მაგრამ გარწმუნებთ, კიდევ უფრო მოუმატებს და პროდუქტიული გახდება. ფრანგის შესაძლებლობები ამოუწურავია.“
„როგორც გონებრივად, ასევე საფეხბურთო თვალსაზრისით მოწოდების სიმაღლეზე ვდგავართ და საუკეთესო ფეხბურთის ჩვენებას ვაპირებთ.“
„გუნდის კოლექტიური ხარისხი უმჯობესდება და ეს მიხარია. კილიანი არამხოლოდ ცენტრ-ფორვარდის პოზიციაზე, არამედ სხვა რგოლებიდანაც ცდილობს პროდუქტიულობას.“
„ჩვენ ლა ლიგაში საკმაოდ მისაღები მაჩვენებლები გვაქვს, მაგრამ წინ კიდევ უფრო კარგი კვირები გველის. ვიცით, რომ „ბარსელონას“ დამარცხება მეტ დამაჯერებლობას მოიტანს, რაც სატურნირო ცხრილშიც მნიშვნელოვნად აისახება.“
„საიმედოები ვართ და მყარ საფუძველს ვაშენებთ. ჩვენ ვქმნით ბირთვს, რომელზეც წარმატება უნდა დაშენდეს.“
„თანმიმდევრულ მიდგომას „ბარსელონასთან“ შეხვედრაში გადამწყვეტი მნიშვნელობა ექნება. ვეცდებით, მოედნის ცენტრში მეტი დომინაცია გვქონდეს და ხაზებს შორის სწორად ვითამაშოთ.“
- გუშინ, 16:32
- 839
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
