მადრიდის „რეალის“ ფეხბურთელებმა „იუვენტუსთან“ დაპირისპირებისთვის მზადება დაასრულეს.

ჩაბი ალონსომ გუნდი ორად გაყო და სხვადასხვა სახის დავალება მისცა. ფეხბურთელებმა დიდი ყურადღება დაუთმეს ტაქტიკურ მონახაზებს, მოკლე სივრცეში ზუსტ თამაშს და პრესინგს.

დანიელ კარვახალმა და ტრენტ ალექსანდერ არნოლდმა მთელი სესია კოლექტივთან ერთად გაატარეს და სრულფასოვნად დაიტვირთნენ.

დინ ჰაუსენი კვლავ ხელმიუწვდომელია, აღდგენით პროცესში არიან დავიდ ალაბა და ანტონიო რუდიგერი.

შეგახსენებთ, „რეალი“ „იუვენტუსს“ ხვალ, 22 ოქტომბერს, 23:00 საათზე უმასპინძლებს.