ჩაბი ალონსომ ტურინის „იუვენტუსთან“ დაპირისპირების წინ პრესკონფერენცია გამართა.

„კარგად მახსოვს ჩემპიონთა ლიგის 2017 წლის ფინალი. ის „რეალი“ საოცარი იყო და ნებისმიერ მეტოქეს ანადგურებდა. ტურინის „იუვენტუსს“ შესანიშნავი შემადგენლობა ჰყავდა, თუმცა როგორც გითხარით, იმ „რეალის“ დამარცხება წარმოუდგენელი იყო.“

„საფრთხეები, რომელიც ტურინული გუნდიდან მოდის? ეს არის კარგად ორგანიზებული გუნდი, რომელსაც ყველა რგოლში მაღალი კლასის ფეხბურთელები ჰყავს. ყურადღების მოდუნება არ შეიძლება, ჩვენ უნდა ვაჩვენოთ ჩვენი სტილი და მოვიპოვოთ 3 ქულა. სწორედ ეს არის მთავარი.“

„მასტანტუონო გაუმჯობესებას გააგრძელებს, ის სულ სხვა სტილის ფეხბურთიდან და ტრადიციებიდან მოდის. ფრანკოს სჭირდება დრო, რომელსაც გამოიყენებს.“

„ჩვენ უნდა გამოვიყენოთ ედუარდო კამავინგას თვისებები, მას შეუძლია თამაშში მეტი დინამიკის შექმნა, სისწრაფეების განვითარება, შეტევების როგორც ჩაშლა, ასევე წამოწყება. ვფიქრობ, ფრანგის სახით ძალიან ძლიერი ფიგურა გვყავს.“

„ტიბო კურტუა საოცარია, ამ ეტაპზე მას მსოფლიოს საუკეთესო კარის დარაჯად მივიჩნევ. ნუ მთხოვთ, კურტუას და იკერ კასილასის შედარებას, იკერი იკერია, მან საოცარი ეპოქა შექმნა, ტიბოზე კი შემდეგ ვისაუბროთ, როდესაც მადრიდულ კარიერას დაასრულებს.“

„მბაპე ინტელექტუალი მოთამაშეა, ის მხოლოდ გოლებით არ გვეხმარება. ფრანგი იდეალურად კითხულობს თამაშს, საოცარი სისწრაფე აქვს და თანაგუნდელებს დიდ დახმარებას უწევს. მჯერა, რომ „10“-იანი კიდევ მოუმატებს და ეს არ არის მისი მაქსიმუმი.“

„„იუვენტუსთან“ ტაქტიკას არ შევცვლი, ჩვენ გვექნება საკუთარი ელფერი. ამის გაკეთებას არ ვაპირებ.“

„ტრენტი და კარვახალი „იუვენტუსთან სავარაუდოდ არ იქნებიან, თუმცა „ელ კლასიკოში“ ორივეს ველოდები. მოდით, მოვისმინოთ ექიმების საბოლოო დასკვნა.“

„ილდიზი უნიჭიერესი მოთამაშე, „იუვენტუსს“ მისი სახით სახიფათო ფიგურა ჰყავს, თუმცა მერწმუნეთ, ტურინელთა განკარგულებაში სხვა მოთამაშეებიც არიან, რომლებსაც სიტუაციის შეცვლა შეუძლიათ. ის, რომ „ბებერ ქალბატონს“ ბოლო მატჩებში კარგი გამოსვლა არ ჰქონდა, არაფერს ცვლის.“

„ნიკო ფასი? ის შესანიშნავი მოთამაშეა და სწორი ნაბიჯი გადადგა, რომ „კომოს“ რიგებში გადავიდა. იტალიის ჩემპიონატში მან საოცარი დონე აჩვენა.“

„ჩვენ ზრდის გზას ვადგავართ. მჯერა ამ შემადგენლობის და ვიცი, რომ ყველაფრის სწორი განაწილების შემთხვევაში, სასურველ შედეგს მივიღებთ.“

„შეტევაში საოცარია კონკურენციაა. ენდრიკის სიტუაცია? არ ვფიქრობ, რომ ახლა ამაზე საუბრის დროა.“

„ჰგავს თუ არა არდა გიულერი იოზილს? ვფიქრობ, არდა მესუთის და ხოსე მარია გუტიერესის ნაზავია. თურქს საოცარი პერსპექტივა აქვს.“

„„რეალისა„ და „იუვენტუსის“ დაპირისპირება ნამდვილი კლასიკაა. ტურინული გუნდი ნამდვილად მიეკუთვნება იმ ტოპ კოლექტივებს,  რომლებიც საოცარ ფეხბურთს აჩვენებენ.“

„ვინისიუსი ერთ-ერთი ფუნდამენტური ფიგურაა. მე მჯერა, რომ ბრაზილიელი კიდევ მოუმატებს და უმაღლეს დონეს აჩვენებს. ვინის როლი  ყველა თამაშში მკაფიოდ ჩანს.“