ვალვერდე:„მომდევნო კვირა გამოწვევებით სავსე იქნება“
ფედე ვალვერდემ „ხეტაფესთან“ შეხვედრა შეაფასა.
„ჩვენ ვიცოდით, რომ მარტივი გასვლა არ გველოდა. „ხეტაფემ“ თავიდან ბოლომდე საკუთარი კარის უსაფრთხოებაზე გააკეთა აქცენტი და ორმაგ დაცვას თამაშობდა. საკმაოდ რთულია ასეთი მეტოქის დამარცხება, მაგრამ როდესაც გოლს გაიტან, სირთულეები აღარ არსებობს და მეტოქის ტაქტიკაც იცვლება.“
„სათადარიგო სკამიდან შემოსულმა ფეხბურთელებმა მატჩს მეტი დინამიკა მისცეს, ჩვენი გუნდი უფრო სწრაფი გახდა და შედეგიც სახეზეა.“
„მთავარია გავიმარჯვეთ და 3 ქულა ჩავიწერეთ აქტივში. ეს უმნიშვნელოვანესი საკითხია. ახლა კი ჩემპიონთა ლიგაზე უნდა გადავერთოთ.“
„კილიან მბაპეს თამაშით ყველამ უნდა ისიამოვნოს. ფაქტია, რომ ფრანგი საოცარ ფორმაშია, თუმცა მერწმუნეთ, ის კიდევ მოუმატებს და ბევრ გოლს გაიტანს. შესაძლებლობები, რომელიც მბაპეს აქვს, სრულიად განსხვავებულია.“
„ლა ლიგაში ყველაფერი კარგად მიდის. ახლა ჩემპიონთა ლიგის დროა, შემდეგ კი „ელ კლასიკოზე“ დავიწყებთ ფიქრს. მომდევნო კვირა გამოწვევებით სავსე იქნება.“
- 20 ოქტომბერი 2025
- 711
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
