ჩაბი ალონსომ „ხეტაფესთან“ გამარჯვების შემდეგ პრესკონფერენცია გამართა.

„საკმაოდ რთული მატჩი გამოდგა. რამდენიმე საკვანძო მომენტი გვქონდა, მაგრამ გოლის გატანას ვერ ვახერხებდით. ვფიქრობ, მეტოქის კარის აღება ბევრჯერ შეგვეძლო.“

„კამავინგა საოცარი იყო. ფრანგის შესაძლებლობებს მომავალში აუცილებლად გამოვიყენებთ.“

„ვინისიუსმა თამაშს ენერგია შემატა. ბრაზილიელი ხშირად ამწვავებდა და სივრცეებს ათავისუფლებდა. მნიშვნელოვანია მისი დონის ფეხბურთელის წინა ხაზში ყოლა.“

„როდრიგოს პოზიცია შევუცვალე, რადგან კარგად გამოდიოდა და მისი მოედნიდან გაყვანა არ მსურდა.“

„მბაპემ გამარჯვების გოლი გაიტანა. მე მას ვუთხარი, რომ ძალიან ბედნიერი ვარ. კილიანის როლი რა თქმა უნდა, უმთავრესია.“

„კურტუას დაზიანება არ აქვს. ის „ელ კლასიკოში“ იქნება.“

„დავიდ ალაბამ დაზიანება მიიღო, სწორედ ამიტომ, მეორე ტაიმში რაულ ასენსიო ჩავრთე. ვიმედოვნებ, ავსტრიელის ტრავმა სერიოზული არ არის, თუმცა კვლევების შედეგებს უნდა დაველოდოთ.“