სამეფო კლუბის ფეხბურთელებმა „ხეტაფესთან“ შეხვედრისთვის მზადება დაასრულეს.

გუნდი დღეს, მადრიდული დროით 11:00 საათზე კიდევ ერთხელ შეიკრიბა საწვრთნელ ბაზაზე და მორიგი ვარჯიში გამართა.

აღსანიშნავია, რომ ტრავმირებული მოთამაშეების გარდა, ალონსოს განკარგულებაში ყველა მოთამაშე იყო.

დინ ჰაუსენი აღდგენით პროცესს აგრძელებს, ფერლან მენდი, კარვახალი და ტრენტ ალექსანდერ არნოლდი კი ფინალურ ეტაპზე არიან და მალე მწვანე მინდორზე ვიხილავთ.

სესიაზე დიდი ყურადღება დაეთმო ბურთის ფლობის კომპონენტს, პრესინგს, შეტევაში სწრაფ გადასვლას და სტანდარტებს.

შეგახსენებთ, „რეალი“ „ხეტაფეს“ ხვალ, 19 ოქტომბერს, თბილისის დროით 23:00 საათზე ესტუმრება.